पुन्हा 'कॅम्पा कोला' म्हणजेच 'The Great Indian Taste'




थम्स अप, कोका कोला, पेप्सी आणि इतर कोल्ड ड्रिंकला टक्कर देण्यासाठी अंबानींनी म्हणजेच रिलायन्सने (Reliance) 'कॅम्पा कोला' (Campa Cola) रिलाँच केलं आहे (कॅम्पा ब्रँड हा तसा जुना आहे. रिलायन्सने तो खरेदी केला आहे.). त्यामुळे आता कोल्ड ड्रिंक कंपन्यांमध्ये पुन्हा एकदा 'कोल्ड वॉर' सुरु होणार असं दिसतंय. रिलायन्स सध्या ज्या बिझनेसमध्ये उतरतंय (जियो वगैरे) ते पाहता या क्षेत्रातही आता 'कर लो दुनिया मुठ्ठी मैं' असंच होण्याची शक्यता आहे. 


रिलायन्ससारखा ब्रँड कॅम्पा कोला घेऊन येतंय म्हटल्यावर आता या मार्केटमधील दिग्गज कंपन्यांनी मार्केटिंग स्ट्रॅटजी बदलली असणार. त्यामुळे येणाऱ्या काही दिवसांत आता आपल्याला क्वॉलिटी, क्वाँटिटी, प्राइस त्याचबरोबर जाहिरात जगतात मोठी स्पर्धा पाहायला मिळणार आहे. कॅम्पा कोलाचा ब्रँड अ‍ॅम्बेसेडर कोण असणार याची उत्सुकता आता आहे आणि ब्रँड अ‍ॅम्बेसेडरसाठी रिलायन्स पैसा गुंतवायला मागे पुढे पाहणार नाही हे मात्र खरं आहे. जाहिरातीच्या दृष्टीने 'कॅम्पा कोला'वर थोडीशी नजर टाकूयात.


कॅम्पा ब्रँड नावाचा फायदा घेण्यासाठी रिलायन्स जाहिरात करताना त्यांच्या तीन व्हेरियंटची (कोला, ऑरेंज आणि लाइम) एकत्रित जाहिरात करेल की, कोलासाठी म्हणजे स्पर्धक कंपनी पेप्सी/कोका-कोला/थम्स अप, ऑरेंज स्पर्धक मिरिंडा/फँटा आणि लाइम स्पर्ध कंपनी 7अप/लिमका/ स्प्राइट या प्रत्येक स्पर्धकांसाठी वेगवेगळे कॅम्पेन राबवेल याची एक उत्सुकता लागून राहिली आहे. 


सध्या कोका-कोलाचा ब्रँड अ‍ॅम्बेसेडर हा टायगर श्रॉफ आहे.

थम्स अप- शाहरुख खान (Shah Rukh Khan)

पेप्सी- रणवीर सिंग (Ranveer Singh)

7 अप- रश्मिका मंदाना (Rashmika Mandanna)

लिमका- नीरज चोप्रा (Neeraj Chopra)

फँटा- कार्तिक आर्यन, सारा अली खान आहे. (Kartik Aaryan & Sara Ali Khan)

याबाबत रिलायन्सचा विचार केला असता ते कोणाबरोबरही करार करु शकतात. कारण त्यांना कोणताही स्टार परवडेल. 


1983 मध्ये कैलाश सुरेंद्रनाथ (Kailash Surendranath) यांनी कॅम्पा कोलाची एक जाहिरात केली होती. या जाहिरातीत सलमान खान होता. त्यावेळी कदाचित तो 16 किंवा 17 वर्षांचा असेल (या पोस्टमध्ये या जाहिरातीचा व्हिडिओ जोडला आहे. त्यात सलमान कसा दिसतो हेही पाहा.). त्याची ती पहिली जाहिरात असल्याचे म्हटलं जातं. विशेष म्हणजे सलमान सध्या कोल्ड ड्रिंकच्या कोणत्याच ब्रँडशी अटॅच नाही. त्याचा शेवटचा कोल्ड ड्रिंक ब्रँड हा पेप्सी होता. अलीकडेच रणवीरने त्याची जागा घेतली आहे.



कॅम्पाची पोझिशिनिंग काय असेल? पूर्वीसारखे 'द ग्रेट इंडियन टेस्ट' (The Great Indian Taste), की एखादं नवीन?


महत्त्वाचं म्हणजे कोणत्या अ‍ॅड एजन्सीकडे याचं काम जाईल. ज्यांच्याशी करार होईल त्याचा आकडा मात्र मोठा असणार. 


#advertising #जाहिरात #CampaCola #Reliance #Thumsup #CocaCola #Pepsi #Fanta #7Up 

- डॉ. दिग्विजय जिरगे



टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

मेरा बाप संत था...मैं नही हूं!

इमेज
- दिग्विजय जिरगे चंद्रभानु गुप्ता उत्तर प्रदेशचे मुख्यमंत्री होते. त्यांचा कल सिंडिकेट ग्रूपकडे झुकला होता म्हणजे त्यांनी सिंडिकेटला जवळ करण्यास सुरुवात केली होती. तर चंद्रभानु गुप्ता यांचे निकटवर्तीय बनारसीदास गुप्ता हे इंदिरा गांधी यांना भेटायला गेले होते. त्यावेळी इंदिरा गांधी यांनी त्यांना बसण्यासही सांगितलं नाही. बनारसीदास यांच्याकडे न पाहता फाईलीत डोकं घालून बसलेल्या इंदिरा गांधी या मान वरही न करता त्यांना म्हणाल्या, मेरा बाप संत था...मैं नही हूं! हा किस्सा सांगितलाय ज्येष्ठ पत्रकार नीरजा चौधरी यांनी... भारतात रियल पॉलिटिक्सची सुरुवात इंदिरा गांधी यांनी केली. राजकारणाला आर्ट-सायन्समध्ये परावर्तीत करण्याचं काम त्यांनी केलं. त्यांना पॉवरचं कॅरेक्टर चांगलं समजलं होतं. साम-दाम-दंड-भेदाच्या राजकारणाच्या त्या मास्टर होत्या, असे नीरजा चौधरी यांनी म्हटलं आहे. त्यांनी 'How Prime Ministers Decide' हे पुस्तक लिहिलं आहे. आपल्या पुस्तकात त्यांनी 6 पंतप्रधानांवर लिहिलं आहे. 600 पानांचं हे जाडजुड असं हे पुस्तक आहे. भारतीय राजकारणातील अनेक घटना, घडामोडींच्या त्या 'आय विटनेस' आहे...
अधिक वाचा

हत्येची 34 वर्षे आणि अनेक प्रश्नं अजूनही अनुत्तरीत ...

इमेज
माजी पंतप्रधान राजीव गांधी यांची हत्या होऊन आज 34 वर्षे झाली. ज्यावेळी हत्या झाली त्यावेळी मी शाळेत होतो. राजकारण आताही कळत नाही आणि तेव्हाही कळत नव्हतं. पण राजीव गांधींबद्दल जबरदस्त आकर्षण होतं. त्यामुळं त्यांची हत्या झाली कळल्यावर खूप हळहळ वाटली होती. नेमकं आत्ताच "राजीव गांधी हत्या... एक अंतर्गत कट?" हे फराझ अहमद लिखित आणि अवधूत डोंगरे अनुवादित मराठी पुस्तक वाचण्यात आलं. भारताचे माजी पंतप्रधान राजीव गांधी यांच्या २१ मे १९९१ रोजी झालेल्या हत्येच्या पार्श्वभूमीवर एक संशयास्पद आणि धक्कादायक दृष्टिकोन या पुस्तकातून मांडण्यात आला आहे. राजीव गांधीबद्दल असं काही होऊ शकतं असा विचारही सर्वसामान्यांच्या मनात येणार नाही. परंतु, पुस्तकात जे प्रश्न उपस्थित केले आहेत त्यावरून आपल्याही मनात शंका यायला सुरूवात होते. लेखकानं अधिकृत तपासण्या आणि अहवालांमध्ये नोंदवलेल्या निष्कर्षांवर प्रश्नचिन्ह उपस्थित करत, या हत्येमागे केवळ एलटीटीईचाच हात नव्हता, तर भारतातील काही अंतर्गत शक्तींचाही सहभाग असू शकतो, असा दावा केला आहे. पुस्तकात लेखकाने विविध तपशील, पुरावे आणि घटनांची साखळी उलगडत, या हत्येच्य...
अधिक वाचा

'वीरेंद्र सेहवाग आणि वडील हेच माझे आयकॉन'

इमेज
आंतरराष्‍ट्रीय क्रिकेटपटू विजय झोल. टीम इंडियाला अंडर 19 चे विश्‍वविजेतेपद मिळवून देण्‍यात महत्‍वाची भूमिका निभाणा-या विजयची घेतलेली मुलाखत...   'विजय झोल' गेल्‍या एक-दोन वर्षांपासून क्रिकेटच्‍या क्षितिजावर सतत झळकणारे हे नाव. मराठवाड्यातील जालना सारख्‍या एका छोटयाशा शहरातून क्रिकेटसाठी कोणत्‍याही प्रकारचे पोषक वातावरण नसतानाही फक्‍त गुणवत्तेच्‍या जोरावर पुढे आलेला हा खेळाडू. मैदानात फलंदाजीस गेल्‍यानंतर खंडीभर धावा केल्‍याशिवाय परत न येणारा खेळाडू अशी त्‍याची क्रिकेटच्‍या दुनियेतली ओळख. 'सातत्‍य' म्‍हणजे विजय झोल हे आता समीकरणच बनले आहे. आपल्‍या फलंदाजीतील सातत्‍यामुळे प्रत्‍येकाच्‍या ओठावर त्‍याचे नाव आहे. आक्रमक फलंदाज वीरेंद्र सेहवाग आणि वडील हरी झोल हेच आपले आयकॉन असल्‍याचे सांगणारा विजय आपल्‍या खेळाचे सर्व श्रेय जालन्‍याचे प्रशिक्षक राजू काणे यांना देतो. विजय पहिल्‍यांदा प्रकाशझोतात आला कुचबिहार करंडकातील 451 धावांच्‍या नाबाद विक्रमी खेळीमुळे. आपल्‍या डावखु-या फलंदाजीने भल्‍या-भल्‍या गोलंदाजांच्‍या तोंडचे पाणी पळवणा-या विजयने ऑस्‍ट्रेलियातील 19 व...
अधिक वाचा